Վեբ-որոնում տեխնոլոգիայի ներմուծումը դասավանդման և ուսուցման գործընթացում
DOI-:
https://doi.org/10.24234/journalforarmenianstudies.v1i60.43Հիմնաբառեր-:
Վեբ-որոնում, լեզուների ուսուցում, մուլտիմեդիա, տեխնոլոգիա, ուսուցման փորձՎերացական
Համակարգիչները և համացանցը ստեղծել են բազմաթիվ հնարավորություններ և գործիքներ լեզուների դասավանդման և ուսուցման համար: Կան բազմաթիվ կայքեր և ծրագրեր, որոնք բարելավում են սովորողների լեզվական գիտելիքներն ու հմտությունները։
Սույն հոդվածում ներկայացվում է լեզուների ուսուցման բազմաթիվ առցանց գործիքներից մեկը՝ վեբ-որոնումը, որը նպաստում է ուսումնական գործընթացի արդյունավետության բարձրացմանը և սովորողների ստեղծագործական մտածողության զարգացմանը։ Վեբ-որոնումը հետազոտության վրա հիմնված ուսումնական գործունեություն է, որի ընթացքում սովորողների ձեռք բերած գիտելիքները, տեղեկատվությունը հիմնականում ստացվում են համացանցային աղբյուրներից` կայքեր, հանրագիտարաններ, ուսումնական ռեսուրսներ, գրադարաններ, ֆորումներ: Այս մեթոդով ուսուցումը ենթադրում է ելակետային մի հարցադրում կամ խնդիր, որը գործնական, ոչ թե տեսական պատասխանի կամ լուծման կարիք ունի: Վեբ-որոնումը և մուլտիմեդիա տեխնոլոգիաների ներդրումը հնարավորություն է տալիս սովորողներին դառնալ ավելի մոտիվացված, կենտրոնացած և նպաստում է նրանց քննադատական մտածողության զարգացմանը։
Այս գործիքի օգտագործման դեպքում փոխվում է փոխգործակցությունն ուսուցչի հետ. նրա ակտիվությունն իր տեղն է զիջում սովորողների ակտիվությանը, ուսուցչի խնդիրն է դառնում ստեղծել պայմաններ նրանց նախաձեռնության համար: Այսպիսով, վեբ-որոնումը նոր ինտերակտիվ, խնդիրներ լուծելու գործիք է, որը հզորացնում է սոցիալական հմտությունները, համագործակցային ուսուցումը և սովորողների անհատական պատասխանատվությունը: Վեբ-որոնման վրա աշխատելու ընթացքում գիտելիքների և տեղեկատվության ձեռքբերման կենտրոնը ուսանողն է։ Ուսուցիչը դադարում է լինել ուսուցման հիմնական աղբյուրը: Ուսուցման այս գործիքը ձևակերպում է առաջադրանքներ, փնտրում է աղբյուրներ և հղումներ համացանցում, կատարում է խորհրդատվական դեր և ստեղծում է ստեղծագործական ուսումնական միջավայր:
Հղումներ
Մ.Աստվածատրյան, Գ. Թերզյան և այլք (2004). «Տեղեկատվական-հաղորդակցական տեխնոլոգիաների կիրառումը հանրակրթական դպրոցում», Երևան, «Աստղիկ» էջ 231.
Blake, R.J. (2008). "Brave New Digital Classroom: Technology and Foreign Language Learning". Georgetown University Press: Washington, D.C., 240p.
Carvalho, A. A. A. (2007). Guest Editor’s Introduction. "Interactive Educational Multimedia". 15.
Luzón-Marco, M. (2010). "Webtasks for Learning Professional and Academic English: Adapting the WebQuest Model". 3, 29-44.
Mezentseva, M. E. (2017). "Quest as a modern technique among interactive ways of teaching foreign languages. Teaching Methodology in Higher Education", 6(21), 75-83.
Nareskumar, Rose, R.C. & Disilve, J. L. (2008). "Teachers Readiness to Use Technology in the Classroom". An Empirical Study, European journal of scientific research, 21(04), 603-616pp.
Kazakova O. P. and Klyoster A. M. (2008) "Educational tasks modelling on the basis of the web-quest technology (from the experience of teaching Foreign Languages)", Astra Salvensis, 6, pp. 699–708։
##submission.downloads##
Հրապարակված
Թողարկում
Բաժին
Արտոնագհր
Copyright (c) 2023 Հեղինակ և ամսագիր
Այս աշխատանքն արտոնագրված է որպես a Creative Commons Attribution-NonCommercial 4.0 International License.
